Um staðsetningaraðferðir
Kortaforritið sýnir hvar þú ert staddur á kortinu með notkun GPS eða A-GPS.
GPS-kerfið er leiðsagnarkerfi, sem styðst við gervihnetti, og er notað til að reikna út
staðsetningu. A-GPS er sérþjónusta sem notar gögn úr staðarkerfi til að auka hraða og
nákvæmni GPS-staðsetningar.
26 Kort
Niðurhal á A-GPS gögnum felur í sér gagnasendingar um farsímakerfi
þjónustuveitunnar. Þegar tækið er notað í reiki, þ.e. utan svæði þjónustuveitunnar,
kunna gagnaflutningsgjöld að vera hærri en ella. Því er sjálfgefið að A-GPS sé ekki notað
í reiki, en þar með getur tekið lengri tíma að reikna út staðsetninguna en þegar A-GPS
er notað.
Til að leyfa notkun A-GPS í reiki velurðu
Valmynd
>
Stillingar
>
Tengingar
>
GPS
>
Nettengt GPS
. Þjónustuveitan gefur nánari upplýsingar um gagnaflutningsgjöld.
GPS-kerfið (Global Positioning System) er rekið af Bandaríkjastjórn sem ber alla ábyrgð
á nákvæmni þess og viðhaldi. Nákvæmni staðsetningargagna kann að verða fyrir
áhrifum af breytingum á GPS-gervihnöttum sem gerðar eru af Bandaríkjastjórn og kann
að breytast í samræmi við stefnu varnarmálaráðuneytis Bandaríkjanna um borgaralegt
GPS og alríkisáætlun um þráðlausa leiðsögu. Slæm rúmfræði gervihnatta getur einnig
haft áhrif á nákvæmni. Staðsetning, byggingar, náttúrulegar hindranir auk
veðurskilyrða kunna að hafa áhrif á móttöku og gæði GPS-merkja. Verið getur að GPS-
merki náist ekki inni í byggingum eða neðanjarðargöngum og þau geta orðið fyrir
áhrifum frá efnum eins og steypu og málmi.
Ekki ætti að nota GPS fyrir nákvæmar staðsetningarmælingar og aldrei ætti að treysta
eingöngu á staðsetningargögn frá GPS-móttakaranum og símkerfi fyrir staðsetningu
eða leiðsögn.
Áreiðanleiki áfangamælisins er ekki fullkominn og sléttunarvillur eru mögulegar.
Nákvæmnin veltur einnig á móttöku og gæðum GPS-merkja.